تجربتي مع الروكتان أو الرواكتن، My experince with Roaccutane

IMG_2935

السلام عليكم ورحمة الله وبركاته، أول بوست لي

راح اتكلم عن معاناتي وعن معاناة كثير مثلي، بشرتي دهنية ومن عمري ١٤ والحبوب تطلع بوجهي، خلصت مرحلة المراهقة بسلام والحبوب مازالت بوجهي !

كان الموضوع مأزمني، مابقى خلطة ماحطيتها بوجهي،، مابقى دكتورة مارحت لها وصرفت لي من هالمقشرات

كل الكريمات في الصيدلية جربتها، كل خلطات النت جربتها، كانت نتائج وقتية والحبوب ترجع وتبقع بوجهي.

فكرت كثير وقررت اروح لدكتورة واشرح لها اني ابي روكتان !!

دخلت عند الدكتورة وقلت ابي روكتان !!!!! كل العلاجات سويتها .. بعدها فحصت بشرتي وسوت لي التحاليل وتوكلت على الله وبدينا ،، عطتني جرعة ٢٠

بقولكم كذا معلومة

حب الشباب غير مربتط بمرحلة الشباب فقط، حب الشباب ممكن يطلع لك وانتي بالثلاثين او حتى الاربعين !

علاج الروكتان جداً جداً قوي ومايصرف الا لازم قبله تسوين تحاليل معينه، انتبهي تاخذينه بدون تحاليل

التحاليل بشكل عام يشوفون مستوى الكلسترول عندك، وانزيمات الكبد وكذا شي

طبعاً الافضل تسوين التحاليل بمستشفى حكومي، لانها مكلفة الصراحه

اول شي الدكتورة بتشوف وزنك وعلى اساسه تقرر كم الجرعة المناسبة

بديت بالكورس وبانت نتايجه من ثالث شهر والحمدلله، خفت الحبوب بشكل ملحوظ، ولكن الجفاف اتعبني جداً

قطرة العين ماتفارقني نهائي، طبعا مع الروكتان لازم شرب كمية كبيره من الماء لانها تجفف الجسم بشكل مو طبيعي

العلاج مليان فيتامين اي، حاولي قد ماتقدرين ماتاكلين اشيااء كثير فيها فيتامين اي

الوجه راح يكون شاحب، ف المفروض بهذي الفترة تكثرين سلطات وفواكهه وخضار ،،

المنتجات اللي استعملتها فترة العلاج

IMG_2941

غسول طبي وخفيف على البشرة، سعره بمية وعشرين تقريباً

IMG_2938

واقي الشمس جداً ضروري، في مرحلة العلاج ومابعدها

هذا الواقي جداً ناسبني خفيف ومافيه لون

،،

IMG_2937

كريم مرطب لبشرة الوجه، عجبني بس ما احطه كثير،، احطه لما تنشف بشرتي مره

وترطيب الجسم كذلك مهم، تقدرين ترطبينه باي لوشن عندك

فيه كريم طبي استعملته بزيت الزيتون جداً رائع، هو غالي بس سعره فيه تقريبا ب ٢٠٠ .. كريم فرنسي

IMG_2939

طبعاً مرحلة العذاب الحقيقية اللي تخليك تكرهين نفسك الشفايف!

راح تتقطع بشكل، كنت استعمل فازلين لكن اكتشفت انه ينشفها اكثر ،، وطحت على مرهم جدا رائع.، وللأسف الاشيااء الرائعة لاتدوم ،، ضاع مرهم الشفايف ويبيلي اشتريه ثانيه

* الصورة من النت

011

يجي منه كريم ومرهم، جيبوا المرهم

النتائج جداً مرضية ولكن لازم المحافظة على التحليل كل شهر او كل شهرين

وبعد العلاج تقشير الوجه لمدة ثلاث اشهر لعلاج الاثار وعشان تضمنين مايطلع لك حبوب مستقبلاً

وبإذن الله تنتهي رحلتكم مع الحبوب للأبد

تحذير!!!!!

العلاج ماينفع للمرأة الحامل او اللي تفكر تحمل، لانه يسبب تشوهات للجنين

واذا اخذتي العلاج وعندك مشروع زواج يتأجل كذا شهر لين مايصفى دمك من اثار العلاج

لازم تبتعدين في فترة العلاج عن المقليات، لان الكلسترول يرتفع بسرعة كبيرة مع العلاج

تسعدني ارائكم ونقدكم 

ان اصبت فمن الله وان اخطأت فمن نفسي والشيطان.

Advertisements